阿爺八鮮鍋 (已結業)

兒童節與一班由細玩到大嘅好姊妹們歡度，朋友提議食餐豐富海鮮火鍋慶祝下，揀左去阿爺八鮮鍋海鮮超級新鮮，個超級海鮮盒真係不得了，龍蝦、鮑魚、蟹、大蝦全部都好鮮好好味😋呢個海鮮盒的海鮮就按人頭每人一份的。另外仲有任食雞煲&火鍋配料、刺身丼、特色燉湯、甜品😚雞煲可以揀麻辣雞煲或者芝士雞煲，我哋揀咗最少嘅辣到BB辣已經好惹味，雞煲係可以refill食到你唔再食先會幫你轉打邊爐。食緊雞煲嘅時候店員會為送上燉湯，個茶壺好精美，仲會用蠟燭keep住啲湯係熱嘅今日個燉湯係椰子雞湯好好飲店員話打邊爐嘅湯底都會不定時更新嘅，我哋今日呢就有幾款湯底揀（蕃茄湯/ 麻辣湯/海鮮湯/昆布湯），我哋揀咗海鮮湯底，湯底來到已經見到好奶白色，味道好鮮甜。Liked 佢哋店社交平台就會有份雪花和牛，呢個真係幾好味😋仲有呢個迷你刺身丼，最正佢係有海膽同埋吞拿魚蓉，食落去係好鮮甜美味