Sky726

今日有朋友請食飯慶祝畢業，當然要搵間好坐又吾伏既餐廳，有朋友幾個月前食過呢間樓上西餐廳，話應該幾岩大家要求喎。未到12月已經有少少聖誕裝飾，加埋個接近落既大窗，有d酒店用餐既感覺。黑松露薯蓉用個好精緻既碗仔裝住，幾吸引咁。薯蓉夠軟滑，黑松露味係慢慢摻出黎，無死咸既感覺。野菌意大利飯野菌比例夠高，所以每一啖都有濃既菌味同口感，加埋表頭既cheese，食落好有層次感，最重要係熱辣辣，溫度夠，我同朋友都爭住食。意大利軟芝士泡沫配草莓雪芭應該用左乾冰營造煙霧既效果。睇個名都知材料味道豐富，加埋呢個賣相，值得一試。望落Menus有d貴，但聽講Openrice有折，所以以環境地段黎講，價位都算正常。除左以上Brunch set，仲有dinner set。