這店是新開的，所以晚市比較少人，只得3枱客，店鋪雖然不算太大，裝修簡單但座位都算舒適，不會太局促。我地買左個2人韓式晚市套餐$128，前菜，魚肉棒，魚旦串，主菜：牛肋骨煲同雞肉石頭飯，炒粉絲同汽水。
1. 前菜3款： (辣蘿蔔+芽菜+薯仔)，無泡菜提供有點失望，辣蘿蔔味道還可以，但芽菜就千祈唔好食，咸到痴線，尤如成匙鹽0係口。
2. 魚肉棒，魚旦串：魚旦串的湯是用白蘿蔔做的，十分清甜，魚肉棒，魚旦串都幾好味，有點兒想加單。
3. 雞肉石頭飯同炒粉絲都係正常味道，尚可。
4. 牛肋骨煲：就真係敗筆之作，成煲得2舊肉，其餘都係紅蘿蔔，重點係成煲都甜到滯，
好似成煲蜜糖無加水甘，叫人點食呀!! 簡直係浪費食材，我食完呢煲野之後好懷疑個廚0既味覺係咪有問題，一係超咸一係超甜。
其實個團購真係好抵，份量亦足，但重點係個廚師手藝好差。
