616牛肉火鍋專門店 (明德商場)

營業中

休息中

住將軍澳同事話坑口都開左616牛肉火鍋專門店，我即刻約埋家人，收工會合一齊去食番餐囉。餐廳環境唔錯啊，即時點左日本直送，長野縣嘅信州特選和牛盛品嘗下先。火鍋🍲湯底點左牛骨清湯，有好多蘿蔔同埋好大舊牛骨在湯內，飲落清清地幾鮮甜。信州特選和牛盛品拼盤有，一次過可食到和牛三大部位，牛肩胛、牛腹肉同牛赤身，牛好靚喎，顏色鮮明，油花平均分佈，切得厚薄適中，只需輕輕滾下便食得，肉質軟淋，牛香味十足，只需要$234，仲會額外送多碟五花趾，超值好味😋！家人則點左打邊爐會食的鴨血同稻庭烏冬，好味又飽肚。菜點左皇帝菜同水蓮菜，水蓮菜唔係度度有，見到都即叫左佢黎食，勁長很新鮮翠綠。叫左花雕醉雞卷小食，送下啤酒🍻巧爽呀。