吉列牛忌廉烏冬專門店 (百樂中心) (已結業)

一直都好鍾意食吉列牛，所以間中都會幫襯依間！平日夜晚嚟到都好快滿座。首先必叫吉列牛定食，外皮有好薄嘅麵包糠，燒完之後口感幾酥脆。幾鍾意個wasabi醬，夠清新，配牛一齊食唔會掩蓋左牛嘅肉味之餘食落又冇咁油。另一個黎親都想食嘅就係忌廉咖喱烏冬，個忌廉係令咖哩烏冬更加甜更加滑！小食方面叫咗個雞軟骨餃子，煎得幾好，外皮夠哂脆，入面好多汁！飲品方面試咗個綠茶latte，依杯係好有濟州嘅味道，味道比較淡香清新，而且唔太甜。依間基本上每次想食石燒牛都會諗起，而且其他食物質素都好好！