蘇媽.蘇媽馬來西亞茶餐室 (已結業)

勁出名既蘇媽蘇媽，以前初初開既時候已經食過，估唔到而家愈黎愈多分店，岩晒我呢d突然諗起就食到既人。每次同朋友講起野食馬來西亞菜就會第一時間諗起蘇媽，因為唔單止野食正宗抵食，連佢既肉骨茶都好好飲，仲要有得免費添加。椰香咖央多士 $38咖央絕對係數一數二可以代表馬來菜既野食，因為個種香確實係好吸引。個多士烘得勁脆，中間夾住既咖央個量好足夠，食落好夠椰香唔會過份，椰味滲透住少量牛油香，愈食愈香。豬腳彎 $58豬腳煮得勁淋身，QQ彈彈既皮同肉身好好食。豬腳無骨，配埋肉骨茶一齊食吸晒d肉骨味，肉骨茶夠香而且好濃味，飲落口好舒服好暖身。高佬麵配雞扒 $72勁大塊既雞扒仲要係無骨，煎得個雞皮勁香，配上自家既馬來辣椒醬，香濃既辣椒醬唔太辣仲有陣陣既料香。個高佬麵幾特別，個麵質夠彈牙，配埋d脆花生同炸魚乾一齊食，脆脆地又有d鹹香好特別。似水榴槤 $52美綠恐龍 $38兩杯飲品麵唔錯，杯榴槤飲落好香濃，味道甘香偏甜。杯恐龍好多美碌粉，滿滿既美碌粉勁濃，就算飲到底都仲係好濃。