燒肉酒場 (已結業)

燒肉酒場以成吉思汗烤肉作為主打 提供新鮮羊肉唔同嘅部位🐑之前喺渣甸坊店食過一次已經好鐘意 今次去登龍街新店 仍然無失望啊💯講到成吉思汗相信大家第一時間都會諗起蒙古 但係原來成吉思汗羊肉燒烤係原自日本架🇯🇵平時燒烤真係比較少食到羊肉 而家天氣涼涼地 絕對啱晒◾紐西蘭羊西冷◽蒙古羊卷肉我哋叫咗兩款最熱門嘅羊肉🐏羊西冷有啲厚度 食落比較有口感 肉質軟稔 咬落有肉汁💦而羊卷肉就係薄片 兩邊輕輕一燒就食得 味道香濃 兩款同樣都有啱啱好嘅羊羶味 真係超好味◾壺漬牛肋條牛肋條以醬油同洋蔥醃過🐂有兩大條 肉質較鬆軟 中間帶薄薄嘅肋膜 牛味濃郁又juicy🤤◽柚子雞腿肉份量都幾多 大概有10件雞件🐔平時燒烤好少食雞 因為怕乾 但係呢度絕對無事❤️雞肉好嫩 連埋雞皮燒更香口◾西京豬頸肉西京燒係好日式嘅做法🥢以醬油/味噌等等醬料醃好 所以唔洗再點其他醬汁已經好夠味 亦有啲意料之外 連豬都好juicy啊喂❣️◽炸魷魚圈純粹為滿足自己嘅炸物癮 所以叫咗個小食🦑魷魚厚肉好煙韌 薄薄嘅炸粉都好鬆脆 仲有我至愛嘅美乃滋😌◽羊湯茶漬飯食完肉都飽飽哋 但係見到呢個茶漬飯又好想試下喎🤣入面有兩大片羊卷肉 茶湯味道幾香濃但唔會死