影片
更多
2023-10-28
112 瀏覽
開始入秋，天氣涼涼哋係時候食火鍋，但又唔想咁單調，和歌山極上二人盛就可以滿足曬心多多嘅我；起初疑慮輪椅入去是否方便，但原來擔心得太多，無論門口到店內間都足夠。$388就可以食到日本優質烹調食物，套餐包括前菜、天婦羅拼盤、鍋物、煮食及甜品，無論你有幾三心兩意，想滿足幾多個胃，到一定唔會失望。除此之外，仲可以$28加配特飲，或$98配酒類飲品。特飲都係以清新為主，今次選了粉紅葡萄柚玫瑰茶，及手搖鮮水果茶，鮮艷一紅一黃相當給精；葡萄與柚子配撘，能覆蓋柚子澀味[，再配合玫瑰花香味，大自然清香在口腔內散發；至於水果茶有豐富果香，也見到百香果粒及其他，相信也很鮮甜。率先上枱嘅係枝豆同埋墨魚鬚；原條枝豆放入口就感受到佢外皮上面嘅味道，在將粒豆擠出黎一齊食嘅時候，喺口入面融和配合得非常之好，食到唔捨得停口；至於墨魚鬚，爽脆肉厚，在佩爾蓀汁調味醃製，十分開胃。之後上枱嘅就係令人期待天婦羅，嚟到嘅時候仲係熱辣辣、香噴噴，兩隻大蝦、兩件厚厚墨魚、兩件南瓜、一件矮瓜、兩片紫蘇葉，食材新鮮，大蝦鮮甜，當中我最鍾意就係厚厚嘅墨魚，肉質厚實爽甜，口感實在令人回味。到咗鍋物，因為朋友唔食蠔，所以我哋揀咗雞肉美人豆乳鍋
開始入秋，天氣涼涼哋係時候食火鍋，但又唔想咁單調，和歌山極上二人盛就可以滿足曬心多多嘅我；起初疑慮輪椅入去是否方便，但原來擔心得太多，無論門口到店內間都足夠。
$388就可以食到日本優質烹調食物，套餐包括前菜、天婦羅拼盤、鍋物、煮食及甜品，無論你有幾三心兩意，想滿足幾多個胃，到一定唔會失望。除此之外，仲可以$28加配特飲，或$98配酒類飲品。
特飲都係以清新為主，今次選了粉紅葡萄柚玫瑰茶，及手搖鮮水果茶，鮮艷一紅一黃相當給精；葡萄與柚子配撘，能覆蓋柚子澀味[，再配合玫瑰花香味，
大自然清香在口腔內散發；至於水果茶有豐富果香，也見到百香果粒及其他，相信也很鮮甜。
率先上枱嘅係枝豆同埋墨魚鬚；原條枝豆放入口就感受到佢外皮上面嘅味道，在將粒豆擠出黎一齊食嘅時候，喺口入面融和配合得非常之好，食到唔捨得停口；至於墨魚鬚，爽脆肉厚，在佩爾蓀汁調味醃製，十分開胃。
之後上枱嘅就係令人期待天婦羅，嚟到嘅時候仲係熱辣辣、香噴噴，兩隻大蝦、兩件厚厚墨魚、兩件南瓜、一件矮瓜、兩片紫蘇葉，食材新鮮，大蝦鮮甜，當中我最鍾意就係厚厚嘅墨魚，肉質厚實爽甜，口感實在令人回味。
到咗鍋物，因為朋友唔食蠔，所以我哋揀咗雞肉美人豆乳鍋；鍋內放置咗唔同嘅蔬菜，黃牙白、金菇、冬菇、紅蘿蔔、洋蔥、豆腐等等，配合埋豆與烹調，就更加能夠帶出蔬菜嘅甜味，亦都有一份嫩滑口感；趁住未落肉之前我哋特登試飲一下鍋豆乳，那份香濃豆乳喺口腔內散發，非常可口。因為所定嘅豆乳不多，放咗雞之後又驚唔熟，所以可能煮得太耐，令到厚厚嘅雞髀肉都變得不夠鮮嫩，但係依然能夠保留雞味。
主食喺抹茶蕎麥麵，我哋2人分別各自揀咗一冷一熱，熱食嘅湯面上面放滿了青蔥；至於我選嘅冷麵，麵質嘅口感好好，配合冷麵醬汁以及薑蓉同埋青芥辣一齊食，真係恰到好處。
食完煮食，當然係嚟到甜品時間，為咗滿足喜歡食溏心蛋嘅我，雖然已經好飽，但都額外加叫咗一隻溏心蛋，溏心滑溜，蛋味香濃，一人一半就啱啱好，當係甜品前嘅總結；到咗正式嘅甜品，我哋2個人都選擇咗食朱古力味雪糕，雪糕球唔會好快溶，而且朱古力味濃郁，亦唔會只係得瞓死甜，都係高質嘅雪糕，違者一餐畫上完美句號，相當滿足。
張貼
