華嫂冰室 (皇廷廣場)

營業中

休息中

想試好耐啦，今日中午一個人經過，已見人龍，可能係我得一個人，直入唔使等！掙扎好耐叫咩食好，因為太多野想試，但一個人只能吃一樣，最後我放棄左菠蘿包、茄牛通，選擇左芫茜皮蛋湯米，餸選了豬膶、肉眼筋。（$37）碗麵一黎到係幾吸引，超多芫茜，有一隻皮蛋既分量，先飲一啖湯，都幾咸，但芫茜皮蛋味都很濃的，米粉爽得黎帶滑，夾住芫茜碎食幾滋味的！本身都幾滿意，但啲餸慘不忍睹！肉眼筋又乾又鞋又冇味，仲衰過煲完湯啲瘦肉，要點下辣椒油先入到口！豬膶又薄又冇味，仲要乾柴柴，我平時好少食剩野，但啲肉眼筋同豬膶真係食唔落口了！唔通真係得菠蘿包先好味？？！！服務？呢啲人龍茶餐廳預左冇服務可言架啦，所以都可接受啦！