影片
更多
2022-12-29
321 瀏覽
一講到糕點舖好多人既印象就係一大個鐵盤既中式糕點舖 但原來而家糕點鋪都行新式既文青路線 行過西環時發現到呢一間裝修好文青既小店 加上佢位於一段斜路 令佢既店面已經係一幅好靚既構圖比人打卡我之所以話係愛同責任既小店係因為呢間店係請婦女同埋長者去幫手做糕點既社企 佢地好聰明咁將上一代整茶粿整糕點重新包裝到適合現今年輕人既品味以前糕點以功能性為主 主要用黎充飢 隨著生活條件提升 現今更加要求埋外觀要吸引 係保存到固有既茶粿文化之外更加可以令到一眾長者拉近與年輕人既距離♡拉絲龍鬚糖 $20龍鬚糖做得極度鬆化 好耐都冇食呢d傳統小食 食番呢d野都諗番起細個既回憶♡髒髒朱古力糍粑 $20個糍粑做到好煙韌 入面仲有Oreo餡 勁爆滿餡 個皮又唔會好厚 食落去唔算好甜♡流心芝麻卷 $20上面有支黑芝麻醬 食之前吱落去個芝麻卷入面就好似食緊流沙包咁 液體既芝麻醬更加容易釋放出芝麻既香 令本來既芝麻卷提升左一個層次♡抹茶紅豆茶粿🐸 $20青蛙既造型真係好吸引 個皮好薄有抹茶味 入面全部都係甜甜既紅豆餡♡咸香菜脯茶粿🐷 $20豬豬造型好可愛 呢個係特別味 平時店內係賣辣菜脯味 呢個係唔辣既 鹹鹹甜甜咁對我呢
我之所以話係愛同責任既小店係因為呢間店係請婦女同埋長者去幫手做糕點既社企 佢地好聰明咁將上一代整茶粿整糕點重新包裝到適合現今年輕人既品味
以前糕點以功能性為主 主要用黎充飢 隨著生活條件提升 現今更加要求埋外觀要吸引 係保存到固有既茶粿文化之外更加可以令到一眾長者拉近與年輕人既距離
♡拉絲龍鬚糖 $20
龍鬚糖做得極度鬆化 好耐都冇食呢d傳統小食 食番呢d野都諗番起細個既回憶
♡髒髒朱古力糍粑 $20
個糍粑做到好煙韌 入面仲有Oreo餡 勁爆滿餡 個皮又唔會好厚 食落去唔算好甜
♡流心芝麻卷 $20
上面有支黑芝麻醬 食之前吱落去個芝麻卷入面就好似食緊流沙包咁 液體既芝麻醬更加容易釋放出芝麻既香 令本來既芝麻卷提升左一個層次
♡抹茶紅豆茶粿🐸 $20
青蛙既造型真係好吸引 個皮好薄有抹茶味 入面全部都係甜甜既紅豆餡
♡咸香菜脯茶粿🐷 $20
豬豬造型好可愛 呢個係特別味 平時店內係賣辣菜脯味 呢個係唔辣既 鹹鹹甜甜咁對我呢d好小食茶粿既人黎講好有新鮮感
♡南瓜雪蓮子西米露🎃 $20
岩唒秋冬飲 南瓜唔會煮到溶唒 仲有d南瓜粒 食起上黎有d咬口
所有食物都用天然甜菊糖 零卡路里 不升糖 糖尿病病人都適合食 更加岩唒我呢d鍾意食甜野既人😍😍
🫶🏻希望大家都可以去幫襯下 支持社企 幫助婦女🫶🏻
張貼
