金翠餐廳

營業中

休息中

原先想影多啲相，但係食完個餐包就唔記得咗，唔知點解個餐包底係濕嘅，影響曬成個包， 籃內有兩個包，另一個冇問題叫咗蘇格蘭扒，加配咗沙律( 好似20蚊)， 有一大一細塊， 細嗰塊比較濃味，大嗰塊牛肉味差啲。 整體還可以， 有少少薯條同埋蔬菜响底。羅宋湯不過不失，出面飲嗰啲通常微辣，呢一個唔係好覺有辣味， 適合唔想飲辣嘅人( 但我覺得有啲辣好飲啲)。整體感覺，坐得舒舒服服。七點鐘(星期六)到都安排到卡位， 服務亦不錯。牛扒冇乜驚喜，但係個餐包可以做好啲， 最起碼個底唔應該係濕嘅！