関東酒場 (已結業)

鐘意食日本菜既酒鬼必去！今次試既係関東酒場既清酒放題「松」放題（$428/位）！話就話係清酒放題，但其實「松」放題提供3小時任飲 + 關東煮 + 佐酒料理既套餐, 可以一次過試不同口味的清酒同甜美日本果物酒之餘，仲可以歎到一連串関東酒場既招牌料理！個人最愛日式香辣砂肝同芥末章魚拌紫菜，兩者食落口都帶有少少辛辣，好惹味！係依度嗌放題仲可以以優惠價加配關東酒場招牌燒物盛盒！我同友人今次就加配左D set（$98）同E set（$148），前者以串物為主，日本和牛同豬腩串都燒得啱啱好！後者以海鮮為主打，有清酒蒸蠔同我去到邊間居酒屋都會忍唔住嗌嘅蟹膏蟹肉甲羅燒🥰食到依度其實已經好飽，但都係忍唔住嗌咗唔係好常見既長州雞胸脆骨（$28）同雞頸肉（$32），哈哈我就係鍾意食依啲特別嘢！