Tapa Room (宏利廣場) (已結業)

今日同同事黎試下西班牙菜，應該是區內唯一一間西班牙餐廳。餐廳位於新建成既商業樓宇既底層。餐廳裝修似Disco, 唔知到既話會以為佢只係一間賣酒既酒吧。同同事點左煎鴨胸同埋西班牙黑毛豬鞍，以西餐Lunch set來說價錢合理點左血橙燒牛肉沙律同埋蟹肉辣忌廉芝士釀烤甜紅椒，兩個前菜都非常好食同入味。如果食到少少辣非常推薦甜紅椒，菜色非常大胆特別，蟹肉，芝士同紅椒味道分明。主菜登場，兩個主菜份量比較大，男仔都會覺得飽。鴨胸醃製出色，蕃茄紅飯配合醬汁味道酸甜非常醒胃。豬胺食材鮮嫩，肉質鬆軟。唯一改善係食物上菜時較凍，如果溫度更熱會更好其實食完已經飽飽地，估唔到仲有甜品! 個卷好脆而且甜度岩岩好最後仲有fruit pouch, 淡淡士多啤梨味，口感爽口，而且不會過甜