鋪頭細細間，黃色嘅裝修，令我諗起去越南旅行時的一間cafe ，有個老人家侍應好親切咁招呼我地入去坐。
餐牌上都有好多越南食物的選擇，佢另外都有dinner set，但係我地當日散叫食物。叫咗 越式香茅雞翼($58) ，越式春卷-豬、蝦($68)，香茅豬扒沙律檬粉($68)，特別牛肉湯粉($108)。
飲品叫了兩杯越式咖啡($38 一杯)。
香茅雞翼好脆口，好重香茅味。
越式春卷同我哋平時食開好唔同，佢呢個春卷好似中式飲茶嘅春卷皮，入面嘅餡料就好似平時越南春卷。
香茅豬扒沙律檬粉即係越南撈檬，豬排一樣香茅味好重，佢個撈檬比其他越南餐廳更多菜。
特別牛肉湯粉就有生牛肉、熟腩肉、牛筋、牛柏葉、牛肉丸、牛骨湯頭好飲，加上多芫荽同洋蔥，味道好有層次。
最後加上杯熱辣辣越南咖啡，好正☺️真係好鍾意越南咖啡加煉奶嘅味道
唯一美中不足係個冷氣好凍，如果少人嘅時候，可以閂部冷氣就更好
