Micasadeco & Cafe Hong Kong (已結業)

早排去旺角，專程去朗豪坊試下佢哋嘅pancake有幾好食，坐低見到佢哋有個二人晚餐，限時優惠$388就試下，因為見menu都好多嘢食。前菜有餐湯係大蝦濃湯，好creamy入面好鮮味，飲完好開胃，另外有煙三文魚牛油果沙律， 值得一讚 係個牛油果分量好足，而且好新鮮食得出係即叫即起。主菜叫咗海膽汁黑松露意粉，同埋特色鹹蛋黃醬魷魚圈意粉，兩個都係新穎嘅fusion菜式，其他地方完全未試過，但就食出驚喜。佢哋個秘製海膽汁真係好鮮而且好濃郁，撈埋黑松露同埋意粉食，食到停唔到口。而另外魷魚圈意粉上面嘅鹹蛋黃醬就好啱香港人口味，味道十足，連埋意粉食係另一番感覺。甜品我哋叫咗焦糖梳乎厘班戟，當班戟放上枱時我哋都滿心期待，最後亦都冇令我哋失望。班戟質感豐厚柔滑，睇落去就好輕型，但食落入面就好足料。配埋佢哋甜嘅醬料同埋忌廉，真係冇得彈。飲品就叫咗mocha咖啡同埋熱朱古力，兩杯飲品都甜度適中而且都好有朱古力味， 值得一提係個花拉得好靚， 最後想講，餐廳入面每位員工都好有禮貌，特別係個經理食之前會細心介紹我哋所點嘅菜入面係有啲咩材料，同埋個煮法，亦都略介紹餐廳嘅風格，唔錯。