影片
更多
2015-05-23
409 瀏覽
我多數既朋友都知我貧血，又唔中意食菠菜，又唔中意食鐵丸，記得幾年前，係街食過一個好難食既牛後，就連對牛都無好感。但最近朋友們為左我好，就成日約我去d有靚牛食既地方，一方面幫我補補，另一方面要帶我見識下。今次佢帶我去既係係九龍城既牛精皇，聽個名就知同牛有關，上openrice 一望，原來係火鍋店，我地7點中去到，人唔算太多。餐廳店面唔算大，西式既裝修，有歐陸式既座椅，吊燈同中式火鍋好似格格不入。睇一睇menu，原來除左自選項目，仲有二人餐，優惠二人餐$328， 精選二人餐就$528，其實大家一睇就知兩者既分別。我就當然要後者啦。跟餐又唔駛加錢既湯底有四款可以選擇，當然仲可以補差價叫其他湯底。我地呢d又想清清地，又想平平地，就叫左個清湯底。係等梗野食之際，侍應又提我地，只要，打個卡，讚個好，就有免費飲品，師奶仔當然馬上行動，換黎既係兩罐冰涼忌廉，正呀！好快個湯底就黎啦，清湯，入面有娃娃菜，粟米，紅蘿蔔等。不久，主角都到了，賣相吸引既high tea 三層架，夠貴氣又精緻。頂層有各式手打丸，當中包括蝦丸，墨魚丸，牛丸等。蝦丸好彈牙，仲食到有粒粒蝦肉，比一般既更有口感，墨丸就同樣彈牙，但我個人
我多數既朋友都知我貧血，又唔中意食菠菜，又唔中意食鐵丸，記得幾年前，係街食過一個好難食既牛後，就連對牛都無好感。
但最近朋友們為左我好，就成日約我去d有靚牛食既地方，一方面幫我補補，另一方面要帶我見識下。
今次佢帶我去既係係九龍城既牛精皇，聽個名就知同牛有關，上openrice 一望，原來係火鍋店，我地7點中去到，人唔算太多。餐廳店面唔算大，西式既裝修，有歐陸式既座椅，吊燈同中式火鍋好似格格不入。
睇一睇menu，原來除左自選項目，仲有二人餐，優惠二人餐$328， 精選二人餐就$528，其實大家一睇就知兩者既分別。我就當然要後者啦。跟餐又唔駛加錢既湯底有四款可以選擇，當然仲可以補差價叫其他湯底。
我地呢d又想清清地，又想平平地，就叫左個清湯底。
係等梗野食之際，侍應又提我地，只要，打個卡，讚個好，就有免費飲品，師奶仔當然馬上行動，換黎既係兩罐冰涼忌廉，正呀！
好快個湯底就黎啦，清湯，入面有娃娃菜，粟米，紅蘿蔔等。
不久，主角都到了，賣相吸引既high tea 三層架，夠貴氣又精緻。頂層有各式手打丸，當中包括蝦丸，墨魚丸，牛丸等。蝦丸好彈牙，仲食到有粒粒蝦肉，比一般既更有口感，墨丸就同樣彈牙，但我個人比較蝦丸。牛丸係黑椒牛丸，入面既黑椒大大粒，辣左d同有d硬。
中層就有水餃，雲呑，韮菜餃，魚皮餃，蟶子，青口。呢間店既餃比一般既大粒而且仲好足料，好似雲呑咁，入面d蝦多到呢，而且仲好薄皮，而且一咬開仲有肉汁，好新鮮呀。
最底層就有牛白肉，頂級手切牛肉，極品安格斯牛肉粒，先講牛白肉，係一塊牛肉呈白色，睇落無筋位，外形像脂肪。但係原來係接近牛胸骨的軟骨位，質感爽脆，而且仲滑滑地，感覺好特別。手切牛肉，牛味好香濃，而且肉仲好嫩，有比較下，牛肉粒就比較多筋。
仲有雜菜籃同烏冬。份量好夠，兩個人食剛剛好。
另外醬料每位收$18仲有加一服務費，埋單$620
張貼
