佳佳甜品

營業中

休息中

佳佳， 第一次聽到呢個名， 就諗起熊貓🐼！哈哈， 佢係佐敦道出哂名，係間老牌糖水舖， 任何時間都有人龍排喺門口！大家好識做，食完就走，所以一般好快就有位！主打中式傳統糖水，有成廿幾款，仲未計加拼組合。啱啱正餐食咗好多煎炸嘢，要快食綠豆沙降火。呢個綠豆沙好得，㷛到起沙，唔會太甜 ; 加埋百合， 清心潤肺，安心養神！😊我最怕有啲糖水舖打濃芡， 傑撻撻，乜胃口都冇哂。😳食完即刻埋單， 外面條人龍越嚟越長 ; 香港人習慣食完晚飯，再食番碗糖水。