影片
更多
2023-01-12
528 瀏覽
街坊朋友介紹何文田新開居酒屋，主打串燒及燒物，暫時未有酒牌好彩朋友醒目帶咗兩枝心水清酒嚟暢飲，唔係就真係有啲到喉唔到肺！🤣講返嘢食，我地聽大廚介紹食咗條佢地自己「曬月光」嘅一夜干，魚🐟皮燒得甘香脆口，內裡軟熟多油。飲多幾杯再試埋朋友間嘅大好物燒雞皮，脆口夠香，食得出係慢火燒，唯一挑剔係調味淡咗啲，唔飲酒嘅客人可能會覺得ok, 印象比較深刻係雞皮餃子🥟，依度做得幾有日本嘅味道，脆口易咬而且雞油滲哂入餃子，飲多啖酒望住歌舞伎町嘅背景即刻咩回憶都返晒嚟！朋友幾個食得飽飽之際見隔籬枱上咗個和牛海膽煲仔飯，睇色水和牛medium rare ,能夠將西餐扒房fusion 巧思融入居酒屋, 你好嘢！下次我會再嚟試試啲新菜色！入面裝修唔錯，好有日本地方居酒屋情懷，想返鄉下嘅朋友仔可以嚟止吓痕。地點勝利道後面，兩條街都有咪錶位，見到勝利道有幾棟新樓落食，睇嚟依區越來越好似小津咁俾到驚奇街坊嘅小店！
街坊朋友介紹何文田新開居酒屋，主打串燒及燒物，暫時未有酒牌好彩朋友醒目帶咗兩枝心水清酒嚟暢飲，唔係就真係有啲到喉唔到肺！🤣
講返嘢食，我地聽大廚介紹食咗條佢地自己「曬月光」嘅一夜干，魚🐟皮燒得甘香脆口，內裡軟熟多油。飲多幾杯再試埋朋友間嘅大好物燒雞皮，脆口夠香，食得出係慢火燒，唯一挑剔係調味淡咗啲，唔飲酒嘅客人可能會覺得ok, 印象比較深刻係雞皮餃子🥟，依度做得幾有日本嘅味道，脆口易咬而且雞油滲哂入餃子，飲多啖酒望住歌舞伎町嘅背景即刻咩回憶都返晒嚟！
朋友幾個食得飽飽之際見隔籬枱上咗個和牛海膽煲仔飯，睇色水和牛medium rare ,能夠將西餐扒房fusion 巧思融入居酒屋, 你好嘢！下次我會再嚟試試啲新菜色！
入面裝修唔錯，好有日本地方居酒屋情懷，想返鄉下嘅朋友仔可以嚟止吓痕。地點勝利道後面，兩條街都有咪錶位，見到勝利道有幾棟新樓落食，睇嚟依區越來越好似小津咁俾到驚奇街坊嘅小店！
36 瀏覽
0 讚好
0 留言
30 瀏覽
0 讚好
0 留言
16 瀏覽
0 讚好
0 留言
13 瀏覽
0 讚好
0 留言
16 瀏覽
0 讚好
0 留言
12 瀏覽
0 讚好
0 留言
11 瀏覽
0 讚好
0 留言
9 瀏覽
0 讚好
0 留言
張貼
