川燒 (已結業)

放工同朋友想搵個地方飲杯野傾下計，見呢度有酒飲之餘仲主打食燒烤串燒，好岩下酒，一於去試下。🌶燒麻辣田雞串🌶呢個麻辣田雞串真係不得了，入口真係好麻，辣得好惹味，田雞啖啖肉得泥又好嫩，🐷燒豚肉生菜卷🐷口感好好，豚肉片包住多汁既生菜一齊燒，口感層次非常豐富！🌶麻辣鴨血🌶整得幾出色既小食，有六件鴨血，口感好腍滑，又唔會硬到好似豬血咁，索左濃稠既湯汁，都幾唔錯。🦑汁燒原隻魷魚筒🦑原條魷魚上已經好吸引啦， 都幾大條，配上日式秘製醬汁一齊燒，十分惹味，魷魚燒得剛剛好，唔會好乾，仲保持到魷魚本身既鮮味，食落亦很有嚼勁👍🏻👍🏻👍🏻