小杬蔡館

營業中

休息中

今次因為朋友聚會，第一次到呢間小菜館聚食飯，估唔到有驚喜。先講佐敦地點方便，港鐵出嚟幾分鐘就到，同埋佢招牌 係經典舊式，好易認出，修都係中式老字號格局 ，店有分上下兩層，店員招呼恩勤。坐低叫支啤酒飲住先，有驚喜係連酒杯都係雪凍嘅，窩心。跟住叫咗12個餸，全部都係一般小菜和前菜，但每樣都有水準十分驚喜，其中特別推3款，一定要試試。脆魚片： 作為前菜都冇乜期望，入口超驚喜，除香脆外，有濃濃的蛋黃味，惹味香口共冶一爐。欖角骨： 賣相好靚，入口味道更好係， 肉質鮮嫩， 欖菜鋪滿肉面，真係要試吓。菜膽鷄： 我哋叫全隻，賣相又係好靚，雞嘅肉質極之嫩滑，真係食到唔停得口。總結，交通方便、服務恩勤、食物味道出息、加上價錢合理，如果想揾間中菜館聚聚，真係上佳之選。