十一串

營業中

休息中

呢間位於佐敦嘅串燒店有好多唔同選擇價錢合理，食物種類都好多今次同朋友食咗幾多嘢佢嘅招牌寶石魚好正，極度推介因為製作需時，最好早啲預訂超級大份，上面鋪滿鹽起初以為會好鹹，點知食物肉質好鮮魚又勁滑，唔使落鹽已經好好味魚皮側邊有啲魚膏，勁重膠質又好味又健康蒜蓉生蠔燒得唔錯，上面好多蒜蓉夠creamy，味道幾好雞軟骨份量都幾多，細細粒配合埋檸檬汁同埋沙律醬唔會咁熱氣，口感幾好自己不嬲都好鍾意食茄子，見到佢有個蒜蓉茄子即刻要試試茄子係原條而且非常足料，勁多椒鹽同埋蒜蓉食落茄子好淋好入味，唔會好似平時食串燒茄子咁乾，茄子控一定大愛椒鹽牛舌比想像中林，佢係薄切所以一啲都唔韌，自己覺得調味方面重手咗少少，有啲過鹹但係如果你係鍾意食重口味嘅就啱晒帆立貝大大粒，加埋上面啲醬汁一齊食好濃郁白鱔連埋皮一齊燒，上邊充滿魚油，一眼落去啲油就咇晒出嚟，口感都幾好，不過個人認為可以落少啲調味就更加突出佢嘅鮮味店內環境唔算好大，不過裝修好有日本串燒店特色，服務都幾好，有店員講解菜式，態度親切整體幾好，好適合同朋友傾偈吹水得閒去食飲吓酒都唔錯有機會會再嚟試吓其他小食P.S 舖頭裏面播嘅背景音樂好正