緣味小聚

營業中

休息中

一朝早同老公過嚟佐敦嘅原味小聚飲茶，嘆杯靚茶食個點心嗰一個悠閑嘅早上。餐廳食物好有水準，我哋成日都過嚟食。😋回味蘑菇包蘑菇包呈現蘑菇外型，非常可愛。入邊係蘑菇和雞肉，清清地又夠健康，味道十足好好味。真係有外表又有內涵嘅包。蜜汁叉燒包經典滋味蜜汁叉燒包，入邊包滿叉燒，叉燒又香又甜，再加上鬆軟麵包，真係非常惹味。果然好味係多人食嘅！混醬滑腸粉唔知係咪隔籬飯香，覺得酒樓嘅蒸腸粉特別好食，而且仲有混帳，腸粉香滑配上豉油，甜醬，麻醬，辣醬和芝麻，整體非常好味！潮州蒸粉果潮州粉果入邊爆滿餡料，有肉碎，花生，韭菜，香蔥和菜莆，豐富又惹味，而且外皮食落去煙煙韌韌，口感同味道都非常豐富！