但係旺角嗰啲天台燒烤比較污糟
美孚有好處比較遠， 大尾篤就唔使講啦
啱啱畀我知道咗佐敦菲律賓會有一個燒烤場就梗係去試下啦，
呢度bbq唔限時間， 二百幾蚊一位任食
環境比較 細但係 五臟俱全，
人多嘅話可以坐房入面， 入面有得玩飛鏢
出面嘅位就啱 四至六個人齊排排坐，
佢哋就好似美式燒烤咁樣，有個網喺上面或者利用叉燒都得
你坐好啲後就會有專人幫你透爐㗎啦
講下啲食物飲品
房仔入面有一個飲品櫃，仲有一個開放式雪櫃， 入面 食物種類都幾多
都算係新鮮嘅， 可唔好食就見仁見智啦
不過一班朋友嚟燒嘢食就唔理啦主要都係想大家傾下計， 呢個價錢有咁上下嘅質素都好㗎啦
