影片
更多
2021-03-24
806 瀏覽
中午時份出咗佐敦買嘢，順便食埋午餐，本身諗住食嗰間要排隊，於是就轉戰咗食「德運豬扒車仔麵」。點解食佢？皆因新開張，門口有姐姐落力推廣😉。餐廳面積唔大，環境衛生正常，我留意到佢有用上螢光燈箱🚦作裝飾點綴，感覺即刻摩登咗。小店主打車仔麵🚗🍜，麵底$10，自由加配餸料。餸料超過四十款選擇，每款價錢介乎$6至$18不等。另一邊廂，呢度亦有幾款指定咗嘅皇牌麵餐同小食。第一碗四餸要咗魁味炸豬扒($18)、爽頭牛肉丸($14)、手切肥牛($14)同炸蟹子包($10)。🐷招牌炸豬扒唔厚唔薄，外皮粉漿可能因為放湯後就無乜脆脆嘅效果，但整體都可以。牛丸開邊上，同蟹子包一樣有兩粒。🐮肥牛就大約有四片。麵底要咗米粉，湯底就要咗麻辣湯。我本身驚好辣🌶，店員話可以要小辣，好彩出到嚟辣度完全係我可接受範圍。呢度嘅麵底偏多，就算無叫加底都好夠食。第二碗四餸要咗手撕雞($14)、真墨魚丸($12)、午餐肉($9)同西洋菜($9)。🐔手撕雞肉白𠽌𠽌，食落幾有口感。墨魚丸彈牙，味幾濃。午餐肉得一片，無煎香，唔太建議嗌。不過西洋菜就唔錯，份量多之餘，啲菜應該有揀過所以唔老👍。麵底要咗米線，湯底就要咗沙嗲汁，味道幾香，唔辣。餐
中午時份出咗佐敦買嘢，順便食埋午餐，本身諗住食嗰間要排隊，於是就轉戰咗食「德運豬扒車仔麵」。點解食佢？皆因新開張，門口有姐姐落力推廣😉。
餐廳面積唔大，環境衛生正常，我留意到佢有用上螢光燈箱🚦作裝飾點綴，感覺即刻摩登咗。
小店主打車仔麵🚗🍜，麵底$10，自由加配餸料。餸料超過四十款選擇，每款價錢介乎$6至$18不等。另一邊廂，呢度亦有幾款指定咗嘅皇牌麵餐同小食。
第一碗四餸要咗魁味炸豬扒($18)、爽頭牛肉丸($14)、手切肥牛($14)同炸蟹子包($10)。🐷招牌炸豬扒唔厚唔薄，外皮粉漿可能因為放湯後就無乜脆脆嘅效果，但整體都可以。牛丸開邊上，同蟹子包一樣有兩粒。🐮肥牛就大約有四片。
麵底要咗米粉，湯底就要咗麻辣湯。我本身驚好辣🌶，店員話可以要小辣，好彩出到嚟辣度完全係我可接受範圍。呢度嘅麵底偏多，就算無叫加底都好夠食。
第二碗四餸要咗手撕雞($14)、真墨魚丸($12)、午餐肉($9)同西洋菜($9)。🐔手撕雞肉白𠽌𠽌，食落幾有口感。墨魚丸彈牙，味幾濃。午餐肉得一片，無煎香，唔太建議嗌。不過西洋菜就唔錯，份量多之餘，啲菜應該有揀過所以唔老👍。
麵底要咗米線，湯底就要咗沙嗲汁，味道幾香，唔辣。餐廳嘅麵底特色係加咗蔥、芫荽同花生，但唔知蔥係咪同芫荽係放埋喺同一兜入面，叫咗走青最終都係走唔哂🙈，不過唔緊要啦。
飲品方面，車仔麵嗌夠$38就送熱飲☕️，凍飲加$3。我哋要咗熱檸茶同熱華田，即使唔嗌飲品，都可以叫店員比杯茶。
總括嚟講，食完大大碗車仔麵嘅我哋飽哂，食完都不宜坐太耐，因為門口有人等緊位。儘管如此，店員完全冇催促我哋，仲幾好禮貌。題外話，韭菜餃應該係計豬扒以外嘅名物，好多客叫，午市時份已經賣哂，有機會要試下😬。
張貼
