甜品森林

營業中

休息中

喺美孚新邨呢個中產老區入面一個唔起眼嘅角落，有一間開咗超過十年嘅甜品店，店面細細，家庭式經營，主要做街坊生意，待客親切有禮。叫咗個森林簡餐，包括餐湯或飲品，主菜及甜品。我見店員大叔極力推薦檸檬博士茶，於是就叫咗一杯。等待期間，細閱餐牌介紹，原來博士茶別名 “南非國寶茶”，又被譽為 “南非鑽石”，據稱不含咖啡因，含豐富礦物質，抗氧化功效比綠茶高 50 倍 😮！呷一口，由於加咗檸檬，味道酸酸甜甜，幾清新，幾好飲。主菜我揀咗蛋黃醬鮮菇煙肉意粉，水準就四平八穩，如果要我形容，我就會話充滿住家的味道，因為真係比較似屋企自家製作😆，少油少鹽少味精，味道亦比較偏淡 ，但係感覺就好健康。叫得做甜品森林，食甜品當然係重點，當日跟餐甜品係渣咋，非常大碗，非常足料，加咗超多椰汁，又香又滑，但係又唔會好甜，非常正👍。