四姐川菜

營業中

休息中

川菜向來係我中國菜入面最鍾意嘅菜系，今日朋友話想食中餐，我就即刻提議食呢間位於灣仔嘅四姐川菜。2人餐分別可以揀2款涼菜，3款熱菜。涼菜我地就揀左口水雞同蒜泥青瓜 ，而熱菜我地就揀左乾扁四季豆、椒鹽蝦同埋辣子雞。川菜咁辣，當然唔少得飲茶解渴喇。手拍蒜泥青瓜非常青新，師傅味道調得剛好，非好食。口水雞非常有住家感覺，而且唔會太辣，唔太食得辣嘅朋友都可以挑戰下。呢個抄生菜係送嘅，非常有鍋氣，味道都相當唔錯。乾扁四季豆係我非常鍾意嘅一道菜，師傅落左雪菜、肉粒等同四季豆一齊抄，食落非常香口惹味，岩晒送飯食。椒鹽蝦亦相當好味，蝦殼炸到脆卟卟咁，可以連埋殼一齊食，師傅細心咁剪左蝦頭，番番有蝦膏嘅部分，成隻蝦食落鮮味十足，大推!最後呢個辣子雞花椒味重，而且都幾辣，岩晒送飯。