上海弄堂菜肉餛飩 (電氣道)

營業中

休息中

近排食多左中菜，覺得有種住家飯既感覺。黎開天后醒起有上海弄堂，就過黎食下小菜。叫左個一人餐，$102，糖醋魚塊加菜飯。魚塊口感唔錯，外皮香口而內嫩，配上酸甜既糖醋汁好開胃，又唔會搶去魚既鮮味，而且份量又岩岩好夠一個女仔食。菜飯係健康之選，菜粒增添口感，比一般白飯食得更滋味。呢個一人餐最開心係佢有埋小食，加左上海春卷，外皮非常香脆，足料又唔太膩。飲品點左豆漿，甜度適中，豆香濃郁，完結左一餐滿足既晚飯。