I Café

營業中

休息中

早排睇完雜誌介紹，話尖東一帶已經開始有聖誕燈飾，所以就過黎呢度行下，準備之後去影燈飾。行完之後覺得有D肚餓，就行左過黎半島中心醫肚。午餐呢個白汁芝士焗海鮮意粉吸引到我，而女朋友就叫左個鮮茄汁芝士豬扒焗意粉，兩個午餐都有跟餐湯同埋餐飲，呢個價位喺尖沙咀黎講都算好抵食。餐湯係黑松露忌廉湯，湯嘅稠度夠，唔會太稀好似水一樣。而黑松露味都好濃。白汁芝士焗海鮮意粉海鮮配料多，青口都有兩大隻，意粉味道都唔錯，美中不足係芝士少左DD。再多返DD 就好，而女朋友嘅鮮茄汁芝士豬扒焗意粉豬扒都好大塊，聽佢講味道都OK，正常茶記水平。