非飯 (已結業)

近年好多人愈來愈關注健康，以低醣飲食為瘦身方法，亦會以椰菜花代替白飯為主食🍚我一直都好想試下，但又懶得處理啲椰菜花😅😅今日就發現呢間主打健康嘅餐廳，主題以花作飯，完全就啱晒我喇😆😆今次我就揀咗。。。和風溫泉玉子牛肉「飯」$68套餐送台灣四季春茶 (或可加錢配咖啡)和風牛肉溫泉蛋就普普通通，個「飯」係椰菜花加菇加藜麥🍚 另外我諗因為椰菜花煮嘅時候係會出水，所以個「飯」底係濕嘅，再加埋溫泉蛋汁，就有啲似多汁撈飯😂不過我就覺得啲牛肉有少少靭，如果係用肥牛嘅話可以會好啲。不過整體嚟講，都係好味嘅😋😋