哈豆

營業中

休息中

哈豆係觀塘有2 間分店，今日去既係一間係位於成業工業大廈既2 樓。今日係下午2 點鐘左右去食，點左沙茶雞翼拌麵，另外加一杯豆漿紅茶。麵加飲品係下午茶時間有9 折，一共係50 蚊，我覺得呢個價錢尚算合理。餐廳環境方面，呢間既裝修相對簡約，用左選用左白色，燈光係用左白至暖白既選色，餐椅同枱既選用係用左工業風設計風格。整體裝修無太大驚喜，但算得上乾淨，新淨。落單後先上左飲品。今日落單既係一杯走冰半糖既豆漿紅茶。哈豆係熱度同甜度都提供左5 種選擇，我認為呢個安排係相當好既。豆漿紅茶唔係太多茶飲店飲得到，我自己係比較喜歡呢種配搭，因為傳統既奶茶係相當濕相當滯，腸胃容易受唔到。豆漿紅茶既口感相對會清一點，味道也算不錯。食物今日花左20 分鐘左右黎到，時間就比較長了一點。拌麵需要自行將醬汁同麵條拌勻，拌勻後麵條算係能均勻地沾上醬汁，再加上菜甫的香味，味道還算惹味。麵條的軟韌算適中，口感不錯，麵條本身的香味不算突出，主要靠醬汁增添了味道。雞翼用卥水汁燜煮，味道是足夠的，應可以再燜煮耐一點。總的來說，這算是不錯的一次用餐體驗。香港真正食物味道做得好的台灣菜並不多，這間餐廳是觀塘區食台灣菜可以考慮的選擇。