開始凍就好想去燒嘢食 但係又唔想去到小欖屯門嗰啲咁遠
上網搵咗一輪 原來市區竟然有燒烤場 就喺菲律賓會入邊
地點一流 位於京士柏 無論係黎定係走都好方便
每人只係$228 可以十二點燒到五點 燒足幾粒鐘
任飲任食 包埋燒烤用品 而且食物種類比我想像中多
雖然燒烤場係露天 不過地方乾淨 燒烤食物同飲品擺放整齊衛生
工作人員好快就幫我地點着爐火 而且擺低蜜糖 紙巾 紙碟 夾等等
師傅透爐好快手 唔使幾分鐘就可以開始燒嘢食
食物種類多到眼花撩亂 有雞中翼雞全翼豬扒牛扒生蠔扇貝 等
淨係雞翼都有幾種 我最鍾意香草味 好入味
除咗肉類當然仲有香腸魚蛋燒賣等等
食完鹹野梗係要食甜品 佢有好多唔同種類嘅雪糕杯
不過我哋選擇咗加錢買棉花糖 整燒棉花糖多士🤩
再唔係佢有蒜蓉同牛油 可以自製蒜蓉多士
燒吓食吓傾吓計 好快就過左幾粒鐘
好彩呢度位置通風 唔會燒完一陣味
食完慢慢散步去附近行吓街 位於市中心就有呢個好處 絕對有下次👍🏻
