燒肉801

營業中

休息中

大熱天時，真係冇乜胃口食嘢，好想食冷麵，咩冷麵都得，日式、韓式、中式，但係原來搵間專門食冷麵嘅餐廳係冇嘅，喺OpenRice度搵咗食燒肉嘅兼有冷麵食，叫做「燒肉801」。去到餐廳大約排咗一個鐘，都幾多人等位😓。叫咗一客牛小排拼雞肉$88，都幾平，牛小排同埋雞肉各4片，調味就揀咗醬汁，牛小排好惹味，我覺得雞肉特別出色👍🏻，然後加$38就有一客冷麵（小），拉麵絕對係一個人份量啱啱好，係韓式嘅水冷麵，不過唔係好酸，味道比較淡，佢會跟埋一疊泡菜，要加埋落冷麵度先至比較有啲味道，嚴格嚟講，我覺得呢個水冷麵唔合格。另外再叫咗一客厚切牛空腹柳$138，調味都係揀咗醬汁，所以同之前嘅牛小排一樣咁好味。整體上佢係一間又平又好食嘅餐廳。由其是燒肉嘅部份，無論係牛定係雞既調味都係水準之上。