和歌山 (樂富廣場A區)

營業中

休息中

朋友住樂富。大家上完佢屋企玩，佢就介紹我哋去新開嘅日式西餐廳dinner, 晚飯時間都刍人，餐廳裝修簡潔光猛，大部分都係卡位，所以坐得都舒適。🐟 比目魚柚庵燒御膳$128呢個夠哂吸引，包括有五款漬物前菜，同埋一碗溫泉玉子，仲有蜆肉麵豉湯，蜆肉麵豉湯入面有一隻好大隻嘅蜆，飲落好香蜆味，比目魚煎到剛剛好，肉質夠滑又結實，魚皮薄薄但好脆，附送嘅溫泉蛋撈埋落啲飯嗰度食，真係好好味😋連五款漬都咁好食。🐟 燒喜之次御膳$158呢個同上面個和風御膳，前菜、漬物同埋湯都係一樣嘅，只係個魚改為「喜之次」，「喜之次」有海中紅寶石之稱，絕對係珍貴，燒得好香，魚質嫩滑帶有少少膠質，好特別好好味。🦪 自家製牡蠣餃子$68一見到menu 有牡蠣🦪餃子，即要order, 本人極愛食蠔，餃子皮薄煎得夠脆，餃子個餡係用廣東話島蠔攪成，我估入邊會溝咗少少豚肉，咬落去好香蠔味，一啲腥嘅感覺都冇。好好味，推薦呢個比大家😊🍊 和歌山水果茶王$48水果茶落足料，杯內滿滿嘅水果，有橙、藍梅、士多啤梨🍓蘋果，飲落好香水果味，又唔太甜，飲完覺得自己充滿維他命C😄**總括嚟講，呢間我嘅評價就係佢個CP值好高，係一間好抵食嘅日式西餐廳。