影片
更多
2019-09-05
140 瀏覽
今日應朋友約黎東涌佢屋企樓下陪佢食飯，平日其實都好似無乜機會會特別入到黎東涌，但估唔到佢樓下呢間泰國餐廳令我咁有驚喜。我本身係個泰國迷，呢間餐廳既裝修真係同泰國布吉海邊既bar and restaurant好似。夏日炎炎，先點左兩杯飲品。朋友飲既係Cha Thai，姐係泰式奶茶，佢覺得呢個甜度幾岩香港人飲，即係無泰國既咁甜，但飲得出茶底係正宗泰國茶。我就叫左杯珍多冰，入面有好多紅紅綠綠既粉圓，有咬口，好消暑。第一道菜我地叫左個金柚鮮蝦沙律，沙律係用左泰式青木瓜沙律去調味。入面有一片片既沙田柚果肉，大蝦，花生，紅洋蔥，莞茜同埋D乾蔥蒜。食落真係好有泰國風味，濃味得黎因為有果肉，所以係清新既。之後我地叫左個湯，本身想叫冬陰功，但侍應推薦我地可以試下呢個當地人非常鐘意既菠蘿海鮮酸辣清湯。的確佢係無推介錯，飲得出佢有冬陰功所有香草既味，但係無落椰汁。海鮮份量好多，而且唔係雪藏海鮮！朋友都話呢個湯香港未飲過呢個味道，十分驚喜。食泰國野又點少得食香葉包雞呢。呢個雞一份四件，我地兩個人食就岩岩好。解開左之後聞到好大陣香料味，雖然舊雞好大，但係每一啖都會食到好香既香草味。不錯最後加左個越南牛尾！我一係
夏日炎炎，先點左兩杯飲品。朋友飲既係Cha Thai，姐係泰式奶茶，佢覺得呢個甜度幾岩香港人飲，即係無泰國既咁甜，但飲得出茶底係正宗泰國茶。我就叫左杯珍多冰，入面有好多紅紅綠綠既粉圓，有咬口，好消暑。
第一道菜我地叫左個金柚鮮蝦沙律，沙律係用左泰式青木瓜沙律去調味。入面有一片片既沙田柚果肉，大蝦，花生，紅洋蔥，莞茜同埋D乾蔥蒜。食落真係好有泰國風味，濃味得黎因為有果肉，所以係清新既。
之後我地叫左個湯，本身想叫冬陰功，但侍應推薦我地可以試下呢個當地人非常鐘意既菠蘿海鮮酸辣清湯。的確佢係無推介錯，飲得出佢有冬陰功所有香草既味，但係無落椰汁。海鮮份量好多，而且唔係雪藏海鮮！朋友都話呢個湯香港未飲過呢個味道，十分驚喜。
食泰國野又點少得食香葉包雞呢。呢個雞一份四件，我地兩個人食就岩岩好。解開左之後聞到好大陣香料味，雖然舊雞好大，但係每一啖都會食到好香既香草味。不錯
最後加左個越南牛尾！我一係牛尾fans，雖然好多人覺得呢個位無乜肉食，但其實整得好味，當佢牛腩咁食好正。呢度整得非常唔錯，個汁除左有蕃茄同紅酒味，重點係佢同時加左好多牛油落去煎香牛尾，所以成個醬汁係充滿牛香。口感亦都很好，佢肉質無煮到完全爛哂，而係仲有小小咬口。唯一美中不足既就是唔知點解上枱個陣有小小凍左，如果係熱辣辣一定係好好味。
同侍應用泰文傾左兩句計，感覺到佢地其實好有心機想做好呢間餐廳，對客人都好有禮貌。雖然地點偏僻，但東涌如果唔想同旅客逼，呢邊係一個好選擇。最後點了一個整得幾正宗既芒果糯米飯，食住超甜既芒果同朋友結束呢一個好泰既夜晚，結果呢晚我地食左500蚊有找，對於有service既泰菜黎講，相當便宜。
張貼
