大瀛喜日本料理 (已結業)

同一班麻甩佬旺角食飯，離不開都係放題...因為性價比實在超高，美食多樣化，每次隔幾個月黎都有菜式更新，閒日食我仲專登等到夜晚8點半特價優惠，每人連加一都只係$295，慢慢食到2個鐘！大瀛喜日本料理旺角彌敦道655號5樓今期最特別就係無限任食榴槤放題，仲要係高質香甜，核細多肉真榴蓮，食到我不斷一叫再叫！當然唔少得就係刺身，三文魚、吞拿魚、油甘魚同樣係我至愛，仲有鮑魚、蟹棒等美食，新鮮嫩口滿口油香！另外，飲品都有更新，清酒、梅酒自家透明樽裝，已經唔再用酒機，感覺更加衛生，當然唔少得啤酒、汽水、果汁飲品，不得不提自家製冷泡茶都非常高質！