野郎Stone Ya Rou Stone

營業中

休息中

同媽咪係一田買完野順便食埋個飯先返屋企，所以就係入面食埋。 咁啱今日又想食牛扒，所以就即刻坐低。佢地有有咁多選擇我又有選擇困難，所以就問左店員有咩推介，佢好nice 都好樂意推介🤗。佢有推薦牛舌👅，不過我唔食所以冇叫。於是我哋就叫左橫隔肌同埋美國精選肉眼。然後我哋就跟據自己食量再簡份量⚖️。店員話牛扒會先煎左兩邊面，鎖住肉汁，煎到一成熟先至再放上鐵板，所以幾多成熟就睇吓食客將牛扒放喺鐵板上面幾耐。由於鐵板真係燒到好熱，所以會將牛扒嘅表面燒到焦香，令到牛扒嘅味道更加有層次感😵。🐮橫隔肌🥩比較厚身，所以比較有口感。牛肉味香濃。我鍾意三成熟，切開仲有粉紅色💗，肉質軟腍，橫隔肌比較少脂肪，但係比肉眼更加多汁💦。店主推介個陣都有講由於橫隔肌比較多汁，比較重身，加上煎完會有少少縮水，所以會細舊啲。🐮美國精選肉眼🥩比橫隔肌薄身，同樣juicy同肉質軟腍，感覺油脂含量比較高，所以牛味更加香濃🤤。我哋加咗$30轉套餐，可以任添麵豉湯，沙律，飯，薯蓉同汽水一罐。絕對唔會食唔飽。