星期六中午到訪，發現竟然有 lunch set，$68 起仲包飲品！前菜更係老闆親自製作，質素一流，食落好似真係去咗韓國咁！今次有薯仔、泡菜同茄子三款前菜，樣樣都新鮮美味，令人滿意！
特大牛骨湯飯
牛骨湯以牛骨長時間熬製，湯底成乳白色，甜到入心，牛骨有四大件，湯底濃郁得來唔膩，超級滿足！
紫菜包飯
材料新鮮，內裡有唔同配料，層次豐富，鍾意紫菜包飯嘅朋友千萬唔好錯過！
韓式蒸蛋
滑嫩香濃嘅韓式蒸蛋，入口即溶，帶住輕輕嘅蛋香同柔軟口感，絕對係一絕，配上其他菜式更加開胃！
有氣無糖紅茶 ZERO Kcal
店員大力推介嘅飲品，話係香港獨有，仲係空運過嚟！零卡路里又清新，特別啱女仔飲，伯爵茶同紅茶愛好者必試，味道真係一流！
總之，哦吧絕對係元朗一間值得一試嘅韓國餐廳，環境、食物同服務都一流，下次想試下佢哋嘅燒肉！
