影片
更多
2024-04-06
601 瀏覽
皇甘栗鮮炒乾果專門店成日行開大埔墟街市都會見到呢間舖頭，因為本身我唔係好ok栗子，所以冇俾佢吸引過入去舖頭入邊，但係舖頭入邊成日都有好多人，於是我就心諗，乜香港真係咁多人鍾意食栗子嘅咩？之後喺網上其他food blogger嘅page見到，原來呢間舖頭有脆脆開心果雪糕食。於是食完晚飯，就決定咗去試吓。點知……真係超級好味呀🥹🥹🥹🥹🥹首先要排隊買飛，之後再排隊去攞雪糕，我叫咗脆脆開心果雪糕，佢真係攞個石盅出嚟中碎啲開心果！之後再放落雪糕度先至裝起。雪糕味唔係好甜，但係好香開心果味！每一啖都起碼有兩至三粒開心果碎，食到最尾都仲有！個重點係佢個窩夫筒有四款口味揀，仲要唔使另外加錢😳$45一杯我諗我會上咗癮
成日行開大埔墟街市都會見到呢間舖頭，因為本身我唔係好ok栗子，所以冇俾佢吸引過入去舖頭入邊，但係舖頭入邊成日都有好多人，於是我就心諗，乜香港真係咁多人鍾意食栗子嘅咩？
之後喺網上其他food blogger嘅page見到，原來呢間舖頭有脆脆開心果雪糕食。於是食完晚飯，就決定咗去試吓。
點知……真係超級好味呀🥹🥹🥹🥹🥹
首先要排隊買飛，之後再排隊去攞雪糕，我叫咗脆脆開心果雪糕，佢真係攞個石盅出嚟中碎啲開心果！之後再放落雪糕度先至裝起。
雪糕味唔係好甜，但係好香開心果味！每一啖都起碼有兩至三粒開心果碎，食到最尾都仲有！個重點係佢個窩夫筒有四款口味揀，仲要唔使另外加錢😳
$45一杯我諗我會上咗癮
張貼
