豊勝手丼 (已結業)

今日同朋友下午兩點去到銅鑼灣登龍街，原本諗住食拉麵！點知俾豊勝手丼裝修吸引咗入去，舖頭細細好似去咗日本！一打開餐牌好吸引，先叫一款六點刺身，有三文魚丶吞拿魚丶海膽丶帶子丶甜蝦丶油甘魚$288真係超值，所有剌身都好新鮮，尤其係海膽，入口即溶，完全冇一點腥味，上邊還有一點點黑色的東西，我還以為係黑岩鹽，原來係黑芝麻非常特別，跟住來個薄燒牛肉沙律，沙律爽脆，牛肉似係慢煮半生熟，牛味脂肪濃郁，配埋個柚子汁，$68真係好抵食！再點了兩款小食七味手羽及鹽燒牛舌，雞翼來到熱辣辣有少少辣辣地好惹味！牛舌燒到剛剛好外脆內嫩，真係好厚切，好食😋跟住成餐飯嘅重頭戲二重鰻魚飯$198，可以講在香港食過最好嘅鰻魚飯就喺呢度，師父火候好好👍🏻燒到剛剛好，外面好脆，裏面好軟熟，醬汁又甜又咸，一碗飯真係唔夠，仲有佢隻糖心蛋，好有蛋香，應該係日本蛋，總括嚟講！燒物非常出色，師傅到位！在銅鑼灣7xx兩位真係性價比，下次一定同朋友再試夜晚