泰屋

營業中

休息中

今日同朋友仔喺旺角食午餐，揀咗726大廈上邊嘅一間泰國餐廳。餐廳環境充滿住濃厚嘅泰式風情，一踏入門口已經感覺東南亞色。長梳化座椅舒適，仲有一片大玻璃睇到窗外風景，他他條條食個午餐。午市套餐非常抵食，送埋飲品都係$4-50。火車頭炒飯 $48每一粒飯都炒得乾身分明，炒得好夠鑊氣，唔油膩。炒飯入面滿滿嘅雞肉、雞蛋同青菜。泰式金邊粉 $55金邊炒本身爽滑彈牙，滿滿辣甜番茄醬口味，材料豐富，有大大件雞肉、炒蛋、豆乾等，仲有芽菜爽口多汁。豬頸肉炒貴刁 $58貴刁粉大大片，晶瑩剔透，非常滑口。豬頸肉份量又多，金黃油亮，仲有大大塊炒蛋，加上大量紅蘿蔔、椰菜等。