徐記廚房點心 (已結業)

朋友上星期到這店食完後，向我極力推介，我哋就好快相約今日去食下午茶。店舖位置較為偏靜，在花園街尾，接近界限街，但非常易搵的，遠遠就看到靚靚嘅門面。店內裝修寬敞舒適，下午茶時段不多人，坐得更舒服，傾偈更暢快。先叫了下午茶餐：一籠蝦餃、一籠流沙奶黃包。流沙奶黃包熱辣辣，包夠軟，咬一口，流沙即流晒出嚟蝦餃皮薄，蝦肉爽口彈牙。一籠「牛鬼蛇神」，被名字吸引，但全部都係差不多嘅燒賣，味道一般，不是太特別，下次不會叫了。鹽水鴨不似潮州滷水鴨，味道小小鹹，鴨肉質嫰滑，值得再試。整體這店食物不錯，一定會再來食的，本來好想試芫荽嘅食物，可惜今天午餐吃得太飽，惟有下次嚟試。😋😋😋😋