仁芝初

週末見到有新推廣$38任食杏仁糊、芝麻糊、合桃糊，覺得好吸引專程過海嚟試，點知試完非常失望！舖頭位置方便，座位都ok乾淨，服務快捷，出糖水非常快！源源不絕！但係糖水就認真麻麻！第一碗，點了熱杏仁糊，比較杰身，沒有杏仁香味，質地一啲都唔香滑！已經覺得有啲後悔！第二碗，點了熱合桃露，質地亦都比杏仁糊更加杰身，非常糊狀沒有香味之餘仲帶點苦澀，合桃糊三款之中最差的一款！食咗幾啖已經覺得中伏！😂 第三碗，點了熱芝麻糊，同樣非常糊狀十分杰身，但係沒有芝麻香味已經唔想繼續食！ 坐我對面的男士話凍芝麻比熱芝麻好食，所以我點了第四碗試一試，因為已經好飽，所以只係點了半碗凍芝麻糊，凍比熱好食，起碼食出有少少芝麻香！但係都唔算係好食嘅一碗芝麻糊唔合格！比$38我寧願食一碗好食香滑嘅杏仁湖😮‍💨 完全覺得中伏！絕不推介，味道同相片完全兩回事！我其實係做咗功課先嚟試，但係不知其他好評從哪裏來！ 🤯🤯 伏！伏！伏！求其一間都好食過佢！