影片
更多
2024-08-01
2783 瀏覽
首先喺OpenRice book咗枱，去到嘅時候同職員講我已book咗枱，佢問都唔問、直接帶入位⋯⋯你自己揀位坐！起初都冇乜嘢⋯⋯但第一步行到入去嘅時候，感覺好似冰雪奇緣⋯⋯地板溜冰嘅感覺！一個字 *跣*！⛸️⛷️🏂好彩本人都係一個老牌Xgame人士夠平衡力。冇仆親😎！重點係職員冇提醒過小心地滑或者小心地滑嘅指示牌！如果有行動不方便或者老人，孕婦仆親點算？之後我揀咗枱坐，冇任何人介紹餐牌及收費⋯⋯我自行見到枱上有QR code、入去睇！全部獨立收費、本身我以為係放題。原來有分時段⋯⋯但都唔緊要，我問職員先知、原來而家呢個時段有78折。一心諗住嚟食放題，但冇放題、唉有啲失望（怪自己冇睇清楚）不過有折就感覺舒服啲⋯⋯🤣🤣之後開始點餐，起初大部份我都係點小份！始終第一次嚟試間餐廳，所以先睇吓品質、如果好食先再加單😅圖2:吊龍小份$198 12片左右平均$16.5 1片（矜貴食材）圖3:手打青檸可樂$28圖1:貴妃蚌 $168 及一啲萵筍，冬瓜，鴨血，汕頭牛丸，羊肉串，油麥菜，蛋炒飯；以上呢啲大概都係各幾十蚊左右一份（小份） 一個鴛鴦湯底 百零蚊左右之後開始等食品上嚟，一心諗住環境唔錯，應該都唔
但第一步行到入去嘅時候，感覺好似冰雪奇緣⋯⋯地板溜冰嘅感覺！一個字 *跣*！⛸️⛷️🏂
好彩本人都係一個老牌Xgame人士夠平衡力。冇仆親😎！重點係職員冇提醒過小心地滑或者小心地滑嘅指示牌！如果有行動不方便或者老人，孕婦
仆親點算？
之後我揀咗枱坐，冇任何人介紹餐牌及收費⋯⋯我自行見到枱上有QR code、入去睇！全部獨立收費、本身我以為係放題。原來有分時段⋯⋯但都唔緊要，我問職員先知、原來而家呢個時段有78折。一心諗住嚟食放題，但冇放題、唉有啲失望（怪自己冇睇清楚）不過有折就感覺舒服啲⋯⋯🤣🤣
之後開始點餐，起初大部份我都係點小份！始終第一次嚟試間餐廳，所以先睇吓品質、如果好食先再加單😅
圖2:吊龍小份$198 12片左右平均$16.5 1片（矜貴食材）
圖3:手打青檸可樂$28
圖1:貴妃蚌 $168
及一啲萵筍，冬瓜，鴨血，汕頭牛丸，羊肉串，油麥菜，蛋炒飯；以上呢啲大概都係各幾十蚊左右一份（小份）
一個鴛鴦湯底 百零蚊左右
之後開始等食品上嚟，一心諗住環境唔錯，應該都唔會太差！坐左5至10分鐘左右，望到成張枱得一壺熱水，清湯（加湯用）及餐具紙巾等～⋯⋯但又見到單據上有收茶錢、紙巾及+1 服務費⋯⋯之後我望附近隔籬枱，每張枱都有壺茶⋯⋯我問職員我壺茶呢？
之後佢先沖返比我地。 （店內仲有好多吉枱當時工作環境不算繁忙）
而且枱上3隻杯，有兩隻都有洗唔乾淨，有食物殘渣黐住杯內！
張枱枱面感覺好油，好跣手
而喺呢段期間我亦發現一樣有趣嘅嘢、就係你同啲職員對答係隨時要轉語言！有時廣東話，有時普通話，考你轉數，轉唔轉得快、聽唔聽得明，好似幫你補習咁！（沒有任何歧視成份只係好笑）
當餸菜嚟到嘅時候！當堂下一跳，然後得啖笑
首先一份$200左右嘅吊龍牛肉 用一個細碟嚟上菜
絕對侮辱咗$200呢個價錢！一啲體面都冇😕
因為佢餐牌張相係一個牛嘅外型器皿出貨、好有體頭、好有霸氣⋯⋯可能我叫咗小份，所以佢比一碟勁細嘅碟去裝12片牛肉左右而分兩層疊埋一齊出餐、感覺似垃圾
話晒都$200幾一碟牛，你用大隻少少碟鋪平啲，起碼個樣都冇咁肉酸，除開價錢大約都$16.5 一片㗎大佬 ⋯⋯比啲嘢嚟睇吓啦⋯⋯
首先肉質我就不作平論啦，因為返貨嘅地方、貨源嘅問題，有陣時控制唔到．我明白嘅。
給一個評價就係*物*（品）*超*（出預期）*所*（謂嘅價值）（一啲都唔）*值*。
第二 作為餐廳一杯嘢飲，收費平均20至$40左右、都係一個合理嘅價錢⋯⋯但本人叫咗一杯手打青檸可樂$28 。當送到上枱嘅時候又係得啖笑⋯⋯佢用一個細杯裝嘅Premium啤酒杯、放咗檸檬、冰+可樂真係2/3啖飲晒成杯嘢！檸檬完全冇打爛過（何來手打）、反而我用$15價錢去叫一罐可樂份量仲多過佢好多⋯⋯如果一般情況下都冇計啦，因為餐廳設定份量係咁樣，都冇辦法啦。但我喺餐牌見嘅圖片估計係用一個大約細嘅hogarden嘅玻璃杯份量！飲品加埋冰，檸檬起碼可以有大半罐可樂 。實物同圖片真係好大分別、咁你俾個圖人哋睇、又唔係俾嗰樣嘢人！咁我個人覺得其實係有可能觸犯商品說明條例！貨不對辦！！！
但費事因D小事去煩，為有吞咗啖氣算繼續進餐⋯⋯
第三最特別呢樣嘢！我哋叫咗一份$168嘅貴妃蚌！
諗住呢個價錢都喺同出面其他餐廳差唔多，所以都覺得合理，冇諗過會有啲咩問題發生！但當菜式上枱嘅時候、我發現完全唔對板⋯⋯首先係半冰封狀態、而外觀紋路同通常見嘅貴妃蚌好有出入。諗住以為有少少冰雹喺上面，所以覺得紋路係有分別，當我等咗一段時間，諗住等溶咗冰之後會唔同，等溶咗之後發現都真係冇唔同樣⋯⋯而我嘗試去淥熟咗一舊去睇及食⋯⋯口感、味道，外觀完全同海蜇一樣！ 完全九唔搭八，黐線，有冇搞錯呀！冇辦法唔鬧鬼！就算你話係貴妃蚌頭頭尾尾放埋一齊出餐、都冇可能冇一舊似樣啲嘅貴妃蚌，如果真係海蜇但價錢收$168😡第一已經錯晒，第二我係叫貴妃蚌唔係叫疑似海蜇嘅食材‼️你俾啲咁嘅嘢我⁉️有冇搞錯？海蜇嘅成本咁鬼平，你喺度扮貴妃蚌⁉️有冇搞錯啊？點做生意啊？
就算貴妃蚌烚到幾熟都好！外觀都係滑溜、咬落去都係煙靭有彈性，就算煮耐咗都只係會縮細，但外觀係滑及咀嚼口感只會韌！但你個疑似海蜇淥咗一陣間、咬落去係海蜇嘅口感，嚡到頂級！超級九唔搭八！之後我終於忍唔住去問職員呢樣嘢咩嚟！佢輕輕望一望就話貴妃蚌！我叫佢睇真啲，再俾餐牌上個圖片佢睇對比，話真係完全唔同樣，佢先叫經理過嚟換走佢⋯⋯之後我直接取消佢。
好日都唔去消費，一消費就咁樣中伏，真係好慘好失望！最終埋單係九百幾蚊，七八折之後！實收六百幾都已經覺得侮辱咗食材❗️侮辱咗客人❗️侮辱咗飲食業❗️餐廳貨品價錢標價本身唔算平，份量又唔算多。
雖然裝修格局都跟國內火鍋店好相似！但你嘅價錢基本上係比國內貴幾倍！（我亦都知道香港舖租物價上係有分別⋯⋯冇辦法）但我比咁嘅價錢、感覺唔到任何服務質素及食物質素，而且我比幾百蚊仲要係食緊與餐牌上圖片不對辦嘅垃圾⋯⋯咁樣真係超級失望 💢
等摺啦⋯⋯
張貼
