影片
更多
2023-10-20
66 瀏覽
食物水準差&服務態度劣質｜📍東羅泰館呢間位於觀塘裕民坊嘅餐廳外表望落幾靚仔，久違同屋企人食飯就揀咗喺度食，諗住唔會伏，點知食物水準勁差而家服務態度都好差，員工人手完全唔夠安排咗戶外座位但基本上唔會有店員出嚟招呼客人😪坐戶外位基本上無人權，就算嗌要杯水等20分鐘先有店員話無人洗杯，無杯裝水所以要再等十幾分鐘先有水飲。☞泰南紅咖喱牛肋條拌麵☜｜💰$118呢個真係冇嘢好講可以直接上圖，店員直接俾碗咖喱汁我就走咗😪廚師煮麵嘅時候唔知係咪發緊夢🙄直接無煮個麵，求其倒咖喱落隻碟就當煮完😥講出去就係笑死人。店員又屈機，見到隻碟淨係得咖喱都直接塞俾客🤷🏻♀️屈機，用枝叉撩完成碟「麵」都揾唔到麵就同店員反映，店員急急腳收走碟嘢：「得得得整俾你」直接收埋我枝叉就走人。好唔容易等到另一個店員嚟一入手嗌唔該。店員就即刻講：「係係係差4杯水吖嘛」就走咗😑等佢俾水先至可以同佢講要枝叉😑之後店員攞住枝叉，人都未行到就喺度嗌：「叉叉叉叉叉叉」然後塞俾我屋企人🤷🏻♀️服務態度同食物水準真係差到莫名其妙😡🤯☞燒牛肉青芒果沙律☜｜💰$108牛肉凍冰冰，好似喺雪櫃攞出嚟咁而且淨係得幾塊，量少又0水準，如果嗌呢個仲不如嗌巴東燒
呢間位於觀塘裕民坊嘅餐廳外表望落幾靚仔，久違同屋企人食飯就揀咗喺度食，諗住唔會伏，點知食物水準勁差而家服務態度都好差，員工人手完全唔夠
安排咗戶外座位但基本上唔會有店員出嚟招呼客人😪坐戶外位基本上無人權，就算嗌要杯水等20分鐘先有店員話無人洗杯，無杯裝水所以要再等十幾分鐘先有水飲。
☞泰南紅咖喱牛肋條拌麵☜｜💰$118
呢個真係冇嘢好講可以直接上圖，店員直接俾碗咖喱汁我就走咗😪廚師煮麵嘅時候唔知係咪發緊夢🙄直接無煮個麵，求其倒咖喱落隻碟就當煮完😥講出去就係笑死人。店員又屈機，見到隻碟淨係得咖喱都直接塞俾客🤷🏻♀️屈機，用枝叉撩完成碟「麵」都揾唔到麵就同店員反映，店員急急腳收走碟嘢：「得得得整俾你」直接收埋我枝叉就走人。
好唔容易等到另一個店員嚟一入手嗌唔該。店員就即刻講：「係係係差4杯水吖嘛」就走咗😑等佢俾水先至可以同佢講要枝叉😑
之後店員攞住枝叉，人都未行到就喺度嗌：「叉叉叉叉叉叉」然後塞俾我屋企人🤷🏻♀️
服務態度同食物水準真係差到莫名其妙😡🤯
☞燒牛肉青芒果沙律☜｜💰$108
牛肉凍冰冰，好似喺雪櫃攞出嚟咁而且淨係得幾塊，量少又0水準，如果嗌呢個仲不如嗌巴東燒牛肉香菜炒飯配煎蛋 $128🙏🏻至少有幾啖飯食下，不過都真係得幾啖。至少啲牛無咁生同埋有隻蛋可以拮爆撈下飯
☞東羅泰秘製滷豬手☜｜💰$98
🥲呢碟未影屋企人就食緊，原先我仲想講我屋企人做乜整到碟豬手散哂咁核突🫠點知原來係碟豬手本身就皮肉分離散哂架🤯始終已經俾人食咗少半碟所以就唔影相了
♡薑黃菠蘿炒飯配手作豬肉串 ♡｜💰$118
呢個就正常水平，菠蘿粒幾甜，飯都粒粒分明。豬肉串無額外醬汁跟配但食落唔韌，算唔錯
總結4個人食餐飯，食物份量細、水準差、服務差，無人食得飽🤷🏻♀️承惠$672
3 瀏覽
0 讚好
0 留言
張貼
