影片
更多
2024-06-16
274 瀏覽
服務：1/5食物：2/5廚房：0.5/5先講員工服務態度，1/5。間舖冇Wi-Fi但係又要用QR code落單都算，落單頁面極度混亂，明明未confirm落單，但係就會自動送出訂單。因為落唔到單，所以叫職員幫手落單。點知男職員態度*極差*。（該男職員於16/6戴cap帽，另外一位男職員態度十分好，女職員亦好好）食物，2/5。食物一般，本身會畀2.5分。但係海南雞船麵真係極品。啲麵成個拳頭咁，完全冇散開。佢哋嘅船麵係雞分開上，但係喺碗麵搵到有嚿雞，仲要係沉底！除咗有嚿雞喺館面入面出現之外，亦都有發泡膠出現。仲有！唔知大家有冇食過海南雞係完全冇雞皮呢？我今次就食到了^^。廚房，0.5/5。廚房完全係災區。都唔知話佢有堅持定唔識靈活變通好。叫兩碟一樣嘅金邊粉，分兩次上，仲要相隔30分鐘。叫四碟炸蝦餅（一碟兩個半件），分兩次上。第一次只上一碟，淨低嗰三碟三催四請先上到。椰青仲勁，叫咗兩個，食到一半先見到職員喺2樓拎兩個椰青落去下面劈，點知劈完淨係上咗一個，另一個又係三催四請先劈到上嚟。唔知係特登定唔小心，竟然喺中間劈咗個窿，啲水流咗好多喺隻碟度。雞卷、雞翼都係相同情況。總結，我只會畀1-1.5
食物：2/5
廚房：0.5/5
先講員工服務態度，1/5。
間舖冇Wi-Fi但係又要用QR code落單都算，落單頁面極度混亂，明明未confirm落單，但係就會自動送出訂單。
因為落唔到單，所以叫職員幫手落單。點知男職員態度*極差*。（該男職員於16/6戴cap帽，另外一位男職員態度十分好，女職員亦好好）
食物，2/5。
食物一般，本身會畀2.5分。但係海南雞船麵真係極品。啲麵成個拳頭咁，完全冇散開。佢哋嘅船麵係雞分開上，但係喺碗麵搵到有嚿雞，仲要係沉底！除咗有嚿雞喺館面入面出現之外，亦都有發泡膠出現。仲有！唔知大家有冇食過海南雞係完全冇雞皮呢？我今次就食到了^^。
廚房，0.5/5。
廚房完全係災區。都唔知話佢有堅持定唔識靈活變通好。叫兩碟一樣嘅金邊粉，分兩次上，仲要相隔30分鐘。叫四碟炸蝦餅（一碟兩個半件），分兩次上。第一次只上一碟，淨低嗰三碟三催四請先上到。椰青仲勁，叫咗兩個，食到一半先見到職員喺2樓拎兩個椰青落去下面劈，點知劈完淨係上咗一個，另一個又係三催四請先劈到上嚟。唔知係特登定唔小心，竟然喺中間劈咗個窿，啲水流咗好多喺隻碟度。雞卷、雞翼都係相同情況。
總結，我只會畀1-1.5/5。
真係伏到出汁。
張貼
