好客來酒樓

營業中

休息中

喺旺角行街，見到呢間酒樓啲價錢好似幾平，諗住試吓啦。入去叫咗餸，先發覺中伏。雖然價錢比一般酒樓平少少，但係以茶餐廳嘅裝修格局，又賣到咁貴，啲份量又好少，只有酒樓嘅三份一，真係超級唔抵食。叫了一碟豉汁蒸大鱔。話係一碟，但係實際上只有八片好薄嘅，size又好細，售價$88 ，份量只係一般酒樓的三份一，可以話唔係一碟，只係一人份。比一般茶餐廳嘅一碟餸還小。另外一啲南乳齋煲，份量都係少得可憐。裏面餸嘅種類亦都好少。連齋最基本嘅蘑菇都冇，剩係得少少黑木耳，幾條菜，加幾舊豆卜，大部份係芽菜。貪平嘅人都要小心啲，我就冇下次。