Good Times Restaurant And Bar (已結業)

去咗粉嶺1間西餐廳食晚餐😋食到捧住個肚走😋餐廳喺聯和墟入面，都好受街坊歡迎，我嗰日平日夜晚一到7點幾，差唔多座無虛席。入到去發現原來餐廳好大間，有兩邊用餐區，最入面嘅大廳主要係用餐嘅地方，有大螢幕仲有一大排舒適大卡位💗而近門口位置係Bar枱，同埋一啲小圓枱，俾客人嚟飲下嘢食吓下酒小食～見到2人餐好鬼抵，有湯+沙律+小食+意粉+主菜+甜品+飲品，＄498（另加一）🥳好啦～就點1 set吧▪️是日餐湯+ 凱撒沙律先嚟每人1客湯同沙律，是日餐湯係南瓜忌廉湯，都好香滑。▪️白酒忌廉青口青口共有12隻，作為小食來講，份量都算多，白酒忌廉汁有少少微酸，不過好creamy 又有酒香。麵包好鬆軟，蘸汁享用一流。▪️經典溫泉蛋卡邦尼意粉屬於比較美式嘅卡邦尼意粉，有濃郁嘅忌廉汁～再加埋流心溫泉蛋💗攪勻之後入口好幼滑香口。而意粉較腍身，份量好多～▪️香烤原條美國安格斯牛仔骨成條牛仔骨打橫放喺木砧板上面，賣相都幾令人醒神😝 配菜有烤蘆筍同埋多款烤蔬菜～烤好嘅肉整齊咁鋪喺骨下面，D肉夠厚又結實油脂甚多，沾埋醬汁一齊食就更有風味。▪️是日甜品當日甜品係朱古力蛋糕～入口香濃幼滑，味道不俗👍🏼 細細件～唔會太飽濟，份量剛剛好。