霸嗎拉麵 (已搬遷) 新店位置

登籠街真係一條美食街，全條街都係食店，當中最多既應該係日本拉麵店。太多選擇唔知食邊間好添，間間都布好多人排隊喎，唯有是但排一間啦。霸嗎拉麵，個名幾得意，就排佢啦。入到去叫左一碗炙燒豚肉味玉拉麵，店家推介架。等左一陣就有得食啦，望下個賣相，好似唔錯喎。食拉麵最緊要係個湯底，第一啖緊係飲湯先啦，個湯望落去好似幾濃，但飲落去並唔係想像中咁濃，有少少偏咸，但同時唔係好夠味咁，有啲奇怪。 麵、豚肉、蛋既味道冇咩特別，冇咩驚喜，而且份量有啲少，食完唔飽要再食甜品。