嚐冰

營業中

休息中

之前行葵涌廣場3樓有經過衣間甜品舖"嚐冰"，個時啱啱新開，有留意下但冇特別幫襯。而今晚深宵同屋企人想食甜品，係網上外賣平台上面見到衣間新開甜品舖，見有新會員優惠便一於試下，叫左兩個熱門甜品：一碗多芒丸子凍同一碗西瓜椰子凍。送到黎見到個碗時都幾大碗，份量十足👍🏻，而且兩個甜品都十分足料。多芒丸子凍裏面芒果香甜、丸子煙韌、椰子凍爽口、西米份量充足，基本上啖啖都滿滿配料；西瓜椰子凍裏面西瓜爽甜、脆波波咬口十足，加上濃郁椰子凍及滿碗西米，食衣間舖頭嘅甜品簡直係大滿足，比起啲連鎖甜品店裝甜品碗設計取巧又份量少，配料又唔多，"嚐冰"真係價錢合理之餘，甜品份量多又味道好。同屋企人已表示會再幫襯新店繼續加油努力，保持質素，祝長做長有！