Peek-A-Poke (希雲街)

營業中

休息中

日式魚生飯食得多，偶而轉轉口味，食下 poke，都係一個唔錯嘅選擇。呢度嘅 poke 有 set 有自選，第一次嚟，先試下 set。由於最想試山葵乳酪醬，所以毫不猶豫揀咗吖嘻先生，配料有吞拿魚刺身，枝豆，青蔥同香菇，再加十蚊要多份三文魚籽。飯呢，由於好肚餓，所以揀咗壽司飯拼珍珠糙米。碗飯畀我最大嘅感覺係份量好多，配料多，飯仲多。兩種米兩種口感，撈埋山葵乳酪醬食，少少酸少少鹹少少攻鼻，非常滋味。主角吞拿魚刺身同三文魚籽都夠新鮮，面頭嘅木魚絲，紫菜絲同黑白芝麻更加係我最鍾意食嘅嘢，絕對起到畫龍點睛嘅提味作用。食完碗飯，非常飽，建議女士叫普通份量就夠。最後，唯一建議係，希望店家日後可以改用非即棄餐具🙏。